Open History Project Pathein
Online Exhibition
လူထုအမှတ်သညာပွဲတော် ပုသိမ်မြို့
အွန်လိုင်းပြပွဲ
14 – 18 October, 2020
Introduction to Open History Project
လူထုအမှတ်သညာပွဲတော်မိတ်ဆက်
ပုသိမ်ထီးနဲ့ သနပ်ခါးမေပြိုင်ပွဲဆုရသူများ
ပုသိမ်ထီးနဲ့ သနပ်ခါးမေပြိုင်ပွဲ အကြီးတန်း
ပုသိမ်ထီးနဲ့ သနပ်ခါးမေပြိုင်ပွဲ အငယ်တန်း
ရုပ်ရှင် နှင့် ဓာတ်ပုံ ပြိုင်ပွဲဆုရသူများ
ရုပ်ရှင်ပြိုင်ပွဲဆုရသူများ
တတိယဆု – အတွေးအိမ်မက်၊ အပိုင်း (၂)ဒါရိုက်တာ – ကိုဇော် (KBZ)၊ တွဲဖက်ဒါရိုက်တာ – ကိုသီဟ (ပန်းလိပ်ပြာ)
တတိယဆု – အတွေးအိမ်မက်၊ အပိုင်း (၁)ဒါရိုက်တာ – ကိုဇော် (KZB)၊ တွဲဖက်ဒါရိုက်တာ – ကိုသီဟ (ပန်းလိပ်ပြာ)
ဓာတ်ပုံ ပြိုင်ပွဲဆုရသူများ
Pathein Umbrella & Thanakha Contest
ပုသိမ်ထီးနဲ့ သနပ်ခါးမေ
ကျွန်တော်တို့က မြို့တွေမှာစပြီးတော့ လူထုအမှတ်သညာပွဲတော်ကိုကျင်းပတဲ့အခါမှာ လူထုအမှတ်သညာပွဲတော်မကျင်းပခင် ပြိုင်ပွဲတစ်ခုကိုကျင်းပလေ့ရှိပါတယ်။ အဲ့ဒါက ယဥ်ကျေးမှုကိုအခြေခံတဲ့ပြိုင်ပွဲလေးတစ်ခုဖြစ်ပါတယ်။ ကျွန်တော်တို့က မကွေးမြို့မှာစပြီးတော့ သနပ်ခါးမေဆိုတဲ့ပြိုင်ပွဲကိုစပြီးကျင်းပခဲ့ပါတယ်။ အဲ့ဒီကနေဆက်ပြီး ဘားအံရောက်တဲ့အခါမှာ ဘားအံမှာကျတော့ သူတို့ရဲ့လက်ယက်ထည်တွေ၊ စက်ယက်ထည်တွေ၊ ချည်မျှင်နဲ့အထည်အလိပ်လုပ်ငန်းတွေ အင်မတန်မှထွန်းကားတာလည်းတွေ့ရတယ်။ အင်မတန်မှ အရောင်အသွေးစုံလင်တာလည်းတွေ့ရတယ်။ ကျွန်တော်တို့က ဘားအံမှာရောက်တဲ့အခါမှာ ဆင်ယင်မှုပွဲတော်ဆိုပြီးတော့ သူတို့ရဲ့ ရိုးရာဖြစ်တဲ့ အဆင်အကွက်တွေကို မော်ဒန်ဒီဇိုင်းတွေနဲ့ ပေါင်းစပ်ပြီးတော့ပြတဲ့ ဖက်ရှင်ပွဲတော်ဆိုပြီးတော့ စပြီးကျင်းပခဲ့ပါတယ်။ အဲ့ဒါကလည်း ကျွန်တော်တို့က ယဥ်ကျေးမှုကိုအခြေခံတဲ့ပွဲတော်တစ်ခုဖြစ်ပါတယ်။ နောက်ကျွန်တော်တို့ ထားဝယ်ရောက်တဲ့အခါမှာ ကျွန်တော်တို့က ထားဝယ်ရိုးရာမေပွဲတော်ဆိုပြီးတော့ ကျင်းပခဲ့ပါတယ်။ ထားဝယ်ရိုးရာမေပွဲတော်ကတော့ မကွေးမှာကျင်းပခဲ့တဲ့အခါမှာ သနပ်ခါးမေဆိုပြီးတော့လုပ်ခဲ့ပေမယ့် ထားဝယ်ရောက်တဲ့အခါမှာ ထူးထူးခြားခြားတွေ့ရတာက ထားဝယ်က သနပ်ခါးကိုပဲလိမ်းတာမဟုတ်ဘဲ သနပ်ခါးနဲ့ အလားတူတဲ့ သစ်သားတွေကိုလည်း သွေးပြီးတော့လိမ်းတာတွေ့ရပါတယ်။ အဲ့ဒီထဲမှာ တောင်နံကြီး၊ သစ်နို့တို့လိမ်းတာတွေလည်းတွေ့ရတယ်။ ကျွန်တော်တို့က အဲ့မှာကျတော့ သနပ်ခါးဆိုတဲ့ခေါင်းစဥ်နဲ့ ဘောင်သပ်လို့မရတဲ့အတွက် ထားဝယ်ရိုးရာမေဆိုပြီးတော့ ကိုယ်ကြိုက်နှစ်သက်ရာ အသီး၊ အပွင့်၊ အခေါက် အဲ့ဒါတွေနဲ့လိမ်းခြယ်ပြိုင်တဲ့ ပြိုင်ပွဲတစ်ခုကို ကျင်းပခဲ့ပါတယ်။ အဲ့ဒီကျင်းပခဲ့တဲ့ပွဲမှာဆိုရင် ထားဝယ်ရဲ့ ဝတ်စုံနဲ့ဝတ်ဆင်ပြီးတော့မှ အဲ့ဒီဝတ်ဆင်ထားတာကိုမှ သနပ်ခါးပဲဖြစ်ဖြစ်၊ သစ်နို့ပဲဖြစ်ဖြစ်၊ တောင်နံကြီးပဲဖြစ်ဖြစ် ကိုယ်နှစ်သက်ရာကို ရွေးချယ်လိမ်းခြယ်ပြီးတော့မှ ပြိုင်ပွဲဝင်ဖို့ကျင်းပခဲ့ပါတယ်။ အင်မတန်မှ စည်ကားသိုက်မြိုက်တဲ့ပွဲတွေလည်းဖြစ်ခဲ့ပါတယ်။ ကျွန်တော်တို့ ပုသိမ်ကိုစဥ်းစားတဲ့အခါမှာ ပုသိမ်က မြန်မာတစ်နိုင်ငံလုံးရော၊ တစ်ကမ္ဘာလုံးရောသိတာက ပုသိမ်မှာပုသိမ်ထီးထုတ်လုပ်တာက အင်မတန်မှအရေးကြီးပါတယ်။ ပုသိမ်ထီးဟာ တကယ်တမ်းဆိုရင် ဟိုတစ်ချိန်တုန်းကဆိုရင် မြန်မာနိုင်ငံရဲ့ထီးလိုအပ်ချက်၊ မိုးတွင်းရော၊ နေပူတဲ့အချိန်ရော ထီးလိုအပ်ချက်ကိုဖြည့်စည်းပေးတဲ့ နေရာဖြစ်ပါတယ်။ အဲ့ဒါကြောင့် ပုသိမ်ထီးရဲ့ကျော်ကြားမှုက မြန်မာနိုင်ငံနဲ့အတူ ရှင်တွဲပြီးတော့ ကျော်ကြားတဲ့ ကျော်ကြားမှုဖြစ်ပါတယ်။ ဒါကြောင့် ကျွန်တော်တို့က ပုသိမ်ကိုရောက်တဲ့အခါမှာ ပုသိမ်ထီးနဲ့သနပ်ခါးမေဆိုတဲ့ ခေါင်းစဥ်နဲ့ပြိုင်ပွဲတစ်ခုလုပ်ဖို့ ဆုံးဖြတ်ခဲ့ပါတယ်။ အဲ့ဒီပြိုင်ပွဲကိုလည်း Covid 19 အခြေအနေကြောင့် တကယ့်ကိုစည်စည်ကားကားနဲ့ လူအများကြားမှာ ကျင်းပရမယ့်ပွဲဖြစ်ပေမယ့် အွန်လိုင်းပြိုင်ပွဲအနေနဲ့ပဲ ကျေနပ်လိုက်ရပါတယ်။ အဲ့ဒီအွန်လိုင်းပြိုင်ပွဲမှာတော့ ပုသိမ်မြို့ကနေ စိတ်ဝင်စားတဲ့ မိန်းကလေးငယ်အများစု ဝင်ရောက်ယှဥ်ပြိုင်ကြပြီးတော့မှ ဒါကိုကျွန်တော်တို့က ရွေးချယ်ပြီးတော့ ဆုပေးတာဖြစ်ပါတယ်။ ကျွန်တော်တို့မှာ ဓလေ့နှစ်ခုကခုနကပြောတဲ့ ပုသိမ်နဲ့ပတ်သတ်တဲ့ပုသိမ်ထီးဆိုပြီးတော့ အင်မတန်မှ ကျော်ကြားတဲ့ထုတ်ကုန်တစ်ခု ဓလေ့တစ်ခုလည်းရှိသလို သနပ်ခါးကိုလည်း မက်မက်စက်စက်လိမ်းကြတဲ့ မြို့တစ်မြို့လည်းဖြစ်တဲ့အတွက် ကျွန်တော်တို့က ပုသိမ်ထီးနဲ့သနပ်ခါးမေဆိုတဲ့ပြိုင်ပွဲကို ကျင်းပတာဖြစ်ပါတယ်။
Old Photos and Open History Project
ရှေးဟောင်းဓာတ်ပုံများနှင့် လူထုအမှတ်သညာပွဲတော်
ပုသိမ်မြို့၊ လူထုအမှတ်သညာပွဲတော်ကျင်းပဖို့ ၂၀၂၀၊ ဖေဖော်ဝါရီလလောက်ကတည်းကစပြီး ပြင်ဆင်ခဲ့ပါတယ်။ လူထုအမှတ်သညာပွဲတော်ဟာ ဓာတ်ပုံအဟောင်းတွေကိုစုဆောင်းပြီး မြို့တစ်မြို့ရဲ့သမိုင်းကို ခင်းကျင်းပြသတာဖြစ်ပါတယ်။ ပုသိမ်မြို့ခံတွေရဲ့ မိသားစုတွေမှာ စုဆောင်းထားတဲ့ဓာတ်ပုံတွေကို ခွင့်တောင်း၊ ကူးယူပြီး လူထုကြားမှာရှိတဲ့သမိုင်းကို ထင်ဟပ်စေဖို့ဖြစ်ပါတယ်။ ဒီလိုစုဆောင်းတဲ့အခါမှာ ပုသိမ်မြို့ခံတွေဖြစ်တဲ့ ကဗျာဆရာ ကိုညီမြင့်၊ ကိုဇော်မင်းထွတ်တို့က ဦးဆောင်ပြီး တစ်အိမ်တက်ဆင်းစုဆောင်းခဲ့ပါတယ်။ ဓာတ်ပုံပေါင်း ၁၃၀၀ ကျော်ထဲက သင့်တော်တဲ့ ဓာတ်ပုံတွေရွေးချယ်ပြီး ပြသတာဖြစ်ပါတယ်။ ကိုဗစ်ရောဂါပိုးကူးစက်မှုအခြေအနေကြောင့် အထင်ကရနေရာကြီးတွေမှာ ခင်းကျင်းမပြသနိုင်ဘဲ အွန်လိုင်းပွဲပဲကျင်းပရပါတယ်။ ဒီပြပွဲမှာ ပုသိမ်ထီးနဲ့ သနပ်ခါးမေပွဲတော်၊ ဓာတ်ပုံနဲ့မှတ်တမ်းရုပ်ရှင်ပြိုင်ပွဲ၊ ကဗျာမြို့တော် ကဗျာရွတ်ဖတ်ပွဲ၊ အကျော်အမော်ပုသိမ်သားများနဲ့ ဓာတ်ပုံအဟောင်းရှင်းလင်းပြသပွဲတို့ ပါဝင်ပါတယ်။ ပြသမယ့် အကြောင်းအရာတွေကို ဗွီဒီယိုအခုတစ်ရာကျော် ရိုက်ကူးပြသခြင်းဖြစ်တဲ့အတွက် ဗဟုသုတမြတ်နိုးသူများနဲ့ လူမှုသမိုင်းစိတ်ဝင်စားသူတွေ အားပေးကြည့်ရှုဖို့ဖိတ်ခေါ်ပါတယ်။
Poetry Recital, Pathein City
ကဗျာမြို့တော်၊ ကဗျာရွတ်ဖတ်ပွဲ ပုသိမ်မြို့
ပုသိမ်မြို့က အစကတည်းက ကဗျာနဲ့ပတ်သတ်ပြီး ကျော်ကြားတဲ့ ကဗျာဆရာတွေအများအပြားထွက်ခဲ့ပါတယ်။ မြန်မာနိုင်ငံမှာ ပုသိမ်မြို့ကို ကဗျာမြို့တော်လို့ တင်စားပြောဆိုရင် ရနိုင်ပါတယ်။ ဒါကြောင့် လူထုအမှတ်သညာပွဲတော်ရဲ့ ကဗျာမြို့တော်အစီအစဥ်မှာ ပုသိမ်မြို့က ကဗျာရွတ်ဆိုတင်ဆက်မှုကို ရိုက်ကူးတင်ဆက်ထားပါတယ်။ မြို့တစ်မြို့မှာရှိနေတဲ့ အနုပညာနဲ့ရှင်သန်နေတဲ့သူတွေ၊ အနုပညာချစ်မြတ်နိုးသူတွေအတွက် လူ့အဖွဲ့အစည်းတစ်ခုက အသိအမှတ်ပြုလာအောင်ဆိုတဲ့သဘောနဲ့ စီစဥ်တာဖြစ်ပါတယ်။ ကဗျာကပေးတဲ့ ခံစားချက်တွေကို မျှဝေနိုင်ကြမယ်လို့ ယူဆပါတယ်။
Famous People of Pathein
အကျော်အမော်ပုသိမ်သားများ
ရှေးခေတ်ပေါင်းများစွာကတည်းက ကျော်ကြားခဲ့တဲ့ ပုသိမ်မြို့ဟာ အဖက်ဖက်က ထူးချွန်ထင်ရှားသူတွေပေါ်ထွက်ခဲ့ပါတယ်။ အဲ့ဒီအကျော်အမော်ပုဂ္ဂိုလ်တွေရဲ့ အထ္တုပ္ပတ္တိကိုပြုစုသူကိုဇော်မင်းထွတ်ကိုယ်တိုင်ဖတ်ကြားထားပါတယ်။ အတုယူစရာ ပုဂ္ဂိုလ်ကျော်တွေရဲ့အကြောင်းကို လေ့လာရင်း ဂုဏ်ယူစရာလည်းဖြစ်ပြီး မိမိကိုယ်တိုင်လည်းကြိုးစားနိုင်ကြလိမ့်မယ်လို့ ယုံကြည်ပါတယ်။ လူထုအမှတ်သညာပွဲတော်ရဲ့ အစီအစဥ်တစ်ခုအဖြစ် ဂုဏ်ယူစွာတင်ဆက်လိုက်ပါတယ်။
Our Festivals For – Pathein City
“ပုသိမ်မြို့ လူထုအမှတ်သညာပွဲတော်”
ပုသိမ်မြို့သည် အလွန်ရှေးကျသော ဆိပ်ကမ်းမြို့ဖြစ်ကာ ဧရာဝတီတိုင်း၏မြို့တော်လည်း ဖြစ်ပါသည်။ မြန်မာပြည်၏ ဆန်အိုးကြီးဟုထင်ရှားကာ ပုသိမ်ထီးလုပ်ငန်းကဲ့သို့ ယဥ်ကျေးမှုထုတ်ကုန်များလည်း ရှိပါသည်။ ပုသိမ်မြို့မှတ်တမ်းနှင့် ဓာတ်ပုံများစွာကို ကိုလိုနီခေတ်တွင် မှတ်တမ်းတင်ခဲ့သကဲ့သို့ ရာဇဝင်များမှ ထုတ်နှုတ်ရေးသားခဲ့သော စာအုပ်များလည်းရှိပါသည်။ ပုသိမ်မြို့တွင် မွန်၊ ကရင် တိုင်းရင်းသားအများစုနေထိုင်ကြသည်။ ပုသိမ်မြို့၊ လူထုအမှတ်သညာပွဲတော်ကို ၂၀၂၀ တွင်ကျင်းပရန် စီစဥ်ထားပါသည်။
သမိုင်းကို ထင်ဟပ်စေသောလူမှုမှတ်တမ်း ဓာတ်ပုံများ
Open History Pathein 